Zara Si Dair Mein

Zara Si Dair Mein Ham Kaisay Kholtay Usko

Tamaam Umer Lagi Jhoot Boltay Usko

Jisay Kasheed Kia Tha Khumaar E Khushbuu Se

Misaal E Rang Hawaaon Mein Gholtay Osko

Wo Khwaab Mein Hee Utarta Shuaa E Subah Ke Saath

Ham Apnay Aap Hee Palkon Pe Toultay Usko

Wo Ashk Tha Ose Aankhon Mein Dafan Hona Tha

Gohar Na Tha Ke Sitaaron Mein Roltay Usko

Wo Be Wafa Tha Tou Iqraar Lazmi Karta

Kuch Aur Dair Meri Jaan Tatoltay Osko

Kisi Ki Aankh Se Mohsin Zaroor Peeta Hai

Tamaam Sheher Ne Dekha Hai Doultay Usko..!!!